Ја уништи спонзорушата: Светот му се поклонува поради овој потег!

Пред да се обидете да уценувате некого, бидете апсолутно сигурни дека ќе ви успее и дека би можеле да добиете нешто од тоа, во спротивно ќе бидете на мета на речиси сите корисници на социјалните мрежи. Учете од грешката на чешката манекенка Катерина Провазникова.

Имено, Катерина се обидела да изнуди 2000 долари од легендарниот хокеар Јеромир Јагр кој моментално игра за Флорида Пантерс. Манекенката спиела со Јагр, а потоа не ја пропуштила приликата да направи „селфи“ додека хокеарот спие до неа. Таа му се заканила дека ќе ја објави „експлицитната“ фотографија од нив двајца доколку тој не ја исплати. Неговиот одговор бил: Не ме засега!

Според Дејли Експрес, чешкиот хокеар не е женет, ниту има девојка и не би му претставувало проблем доколку цел свет дознае со кого легнува навечер.

За да биде ситуацијата уште покомична, Провазникова е таа што е во врска. Нејзиното (поранешно?) момче, Доминик Рудл е исто така хокеар, кој пред неколку недели објави „селфи“ од нив двајца слично на нејзиното со Јагр.