Извештајот „Doing Business 2019“ на Светска банка на денешната редовна владина седница
На предлог на Министерството за финансии, на денешната редовна 102-ра седница Владата на Република Македонија ќе го разгледа предлог – законот за изменување и дополнување на законот за заштита на потрошувачите при договори за потрошувачки кредити.
Министерството за финансии за денешната седница ја предлага и информацијата за рангот на Македонија според извештајот „Doing Business 2019“ на Светска банка со предлог заклучоци, соопшти владиниот Сектор за односи со јавноста.
Како материјал за информирање, денеска Владата ќе ја разгледа информацијата во врска со изградба на пречистителна станица за отпадни води и рехабилитација и проширување на канализационата мрежа во општина Тетово.
Пред министрите, се посочува во соопштението, ќе се најде информацијата за усвојување на стандардни оперативни процедури за постапување со жртви на трговија со луѓе, предложена од Министерството за внатрешни работи.
Дел од точките на дневниот ред е предлог – законот за изменување и дополнување на Законот за заштита на културното наследство.
Владата на Република Македонија денеска ќе одлучува и по информацијата за потребата од зголемување на бројот на Државните правобранители од страна на Државното правобранителство.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто