Израелскиот суд ја продолжи забраната за Ал Џезира
Израелски суд го потврди и го продолжи за 35 дена затворањето на телевизискиот канал Ал Џезира со седиште во Катар, соопшти денеска Министерството за правда.
Ал Џезира, која емитува на арапски и англиски, згасна од емитувањето во Израел по првична наредба за 45 дена на почетокот на минатиот месец.
Владата на премиерот Бенјамин Нетанјаху имаше долготрајна расправија со Ал Џезира која се влоши од почетокот на војната во Газа во октомври.
„Окружниот суд во Тел Авив ги потврди упатствата на министерот за комуникации да го запре емитувањето на каналот Ал Џезира, да ги затвори неговите бироа во Израел, да го блокира пристапот до неговите веб-страници и да ја заплени опремата“, соопшти Министерството за правда.
Наредбата, издадена вчера по барање на обвинителството за нејзино потврдување и продолжување, беше за дополнителни 35 дена, објави Министерството на својата веб-страница.
Исклучувањето не влијае на преносите од окупираниот од Израел Западен Брег или од Појасот Газа, од кои Ал Џезира се уште ја покрива израелската војна со палестинските милитанти на Хамас.
Парламентот усвои закон за безбедност во април со кој му се овозможува да ги забрани емитувањата на странските медиуми во Израел кои ја „поткопуваат безбедноста“.
Ново на Сител
-
Агелер: Нема одново преговори ниту за Преспа, ни со Бугарија за ЕУ
-
МОН: Од утре ќе се исплаќа неисплатената финансиска поддршка за основци и средношколци
-
СДСМ избира нов лидер на партијата
-
Македонците во Албанија не ги признаваат резултатите од пописот, МНР ќе го повика амбасадорот Марковски на консултации
-
Нема кој да ги управува „Ер тракторите“ на Дирекцијата за заштита и спасување
-
Хамас: Нема напредок во преговорите со Израел, САД ни вршат притисок
-
Најмалку 18 лица загинати, а 30 повредени при терористички напади во североисточна Нигерија
-
Во Франција се одржува првиот круг вонредни парламентарни избори