Израел потврди дека нападнал и уништил сириски нуклеарен објект во 2007 година
Израелската армија денеска потврди дека во 2007 година нападнала и уништила таен нуклеарен реактор во соседна Сирија за време на воздушна операција.
Постоеја претпоставки дека Израел стои зад воздушниот удар на непријателска територија, во регионот на Ал Кибар, но ова е првпат таа држава отворено да презеде одговорност за нападот со објавување на декласифицираните документи за случајот.
- Ноќта на 5 спроти 6 септември 2007 година, авиони на израелските ВВС нападнаа и уништија сириски нуклеарен реактор во процес на изградба, се вели во соопштението на израелската армија.
-Реакторот беше речиси завршен и операцијата овозможи да се елиминира постоечка закана за Израел и целиот регион, потенцира армијата на Израел.
Сирија одрекуваше дека станува збор за нуклеарен реактор. Но, Меѓународната агенција за атомска енергија изјави во 2011 година дека е „многу веројатно“ нападнатиот објект да бил реактор, можеби изграден со помош на Сеаверна Кореја.
-Нуклеарен реактор во раце на Асад ќе има сериозни последици за целиот Блиски Исток, посочува израелската армија.
Декласифицираните документи, исто така, откриваат дека операцијата била подготвена во целосна тајност и дека биле вклучени четири Ф-15 и четири Ф-16 борбени авиони.
Ново на Сител
-
29 годишник од Тетово на социјалните мрежи објавувал слики од малолетничка со вулгарен текст
-
Прилеп ќе го прогласи петок, 4 октомври, за ден на жалост
-
Кривична пријава против поранешен градоначалник за злоупотреба на службена положба и овластување
-
Муниција и експлозив пронајдени во дом во Козле, куќен притвор за осомничениот
-
Одбележана 80-годишнината на Стопанска банка - темелот на домашната економија
-
Уапсени две лица кои сакале да крадат од зградата во Чаир која гореше вчера
-
Шолц: Никогаш не ги заборавајте негативните аспекти на обединувањето на Германија
-
ЕК бара информации од Јутјуб, Снепчет и ТикТок за начинот на препорачување содржини на корисниците