Израел и САД успешно го тестираа противракетниот систем „Стрела-3“

Израел и САД денеска го изведоа првото успешно тестирање на системот за противракетна одбрана „Стрела-3“, јави ДПА.

- При тестирањето беше погодена балистичка ракета, информира израелското Министерство за одбрана.

Израел располага со системот за противракетна одбрана со среден достел, насочен кон Појасот Газа. „Стрела“ е ракета со поголем дострел, што може да одбива напади, на пример, од Иран.

Израел во минатото се обиде да изведе тестирања на неколку модели од системот, а во 2014 година имаше еден неуспешен тест со верзијата „Стрела-3“.

Ракетата чини околу три милиони долари.

„Стрела-3“ е наменета за уништување цели надвор од атмосферата, откако ќе ги пресретне ракетите поблиску до нивните лансирни рампи. Таа се произведува во соработка меѓу компанијата „Израел Аероспејс Индустрис“ и американскиот авијациски гигант „Боинг“.