Израел донесе посебен буџет за арапските жители во државата

Израелската Влада одобри посебен буџет за подобри услови на живот на арапското малцинство во државата.

Арапите се околу 20 отсто од 8,4 милиони жители на Израел и иако имаат целосно граѓански права, страдаат од дискриминација при барање работа или станови и се меѓу најсиромашните граѓани.

Владата не соопшти колкава сума е одобрена синоќа, но израелски медиуми објавија дека таа е меѓу 10 и 15 милијарди шекели (2,5-3,8 милијарди долари) за период од 4-5 години.

Инвестициите се во образованието, транспортот, градење домови, култура и спорт.