Измените во Законот за органско земјоделство во собраниска процедура
Со најновите измени на Законот за органско земјоделско производство јасно се разграничуваат ингеренциите на Агенцијата за храна и ветеринарство (АХВ) и Државниот инспекторат за земјоделство.
Како што рече денеска ресорниот заменик министер Ванчо Костадиновски, образложувајќи ги измените пред матичната собраниска комисија, инспекторатот ќе биде надлежен за примарното органско производство, семето и садниот материјал, додека под АХВ ќе бидат преработките на примараните органски производи.
- Измените се генерално во насока на усогласување на нашата регулатива со постојните директиви на ЕУ за органското земјоделство. Со оглед дека се подготвува нова директива, ќе следуваат уште едни измени за целосно доусогласување, истакна Костадиновски.
Според пратеникот Љупчо Димовски од Социјалистичката партија, Македонија прва во регионот воведе органско земјоделско производство и прва го регулираше со донесување на Законот во 2009 година.
За измените и дополнувањата на Законот за органско земјоделско производство денеска ќе се расправа и на собраниската Комисија за европски прашања.
Ново на Сител
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за злоупотреба на службена положба
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили