Изменет сообраќаен режим во Скопје поради Водици
Поради манифестациите за верскиот празник Водици, Одделението за безбедност на патниот сообраќај при СВР Скопје денеска ќе воведе посебен режим на сообраќај на одредени сообраќајници во централното градско подрачје на Скопје, како и во општините Ѓорче Петров и Аеродром и населбата Хром.
Како што информираат од МВР, во периодот од 10:00 часот, па до завршувањето на манифестацијата по повод Водици, во центарот на Скопје за сообраќај ќе бидат затворени улиците „Филип Втори Македонски“ до булеварот „Гоце Делчев“ и кеј „13 Ноември“ до булеварот „Кочо Рацин“.
Во Општината Ѓорче Петров од 10:00 часот црковната литија ќе се движи почнувајќи од црквата „Свети Петар и Павле“, десно по булеварот „Партизански одреди“, десно по улицата „Ѓорче Петров“, лево по улицата „Васил Чакаларов“, како и од црквата „Свети Пантелејмон“ по улицата „Демир Трајко“ и лево по улицата „Васил Чакаларов“ до Железничкиот мост на реката Вардар.
Во Општина Аеродром од 10:00 часот за сообраќај ќе биде затворен локалниот пат кон село Лисиче.
Министерството за внатрешни работи апелира до граѓаните да ги почитуваат наредбите што ги издаваат полициските службеници.
Ново на Сител
-
Чешките угостителски објекти отворија во знак на протест поради ограничувањата
-
На протестите во Москва повредени најмалку 42 полицајци
-
Албанија: Во последните три години над 60 странски државјани, меѓу нив и дипломати, прогласени за „персони нон грата“
-
Маж пронајден починат во водите на Пчиња кај Катланово
-
Нови одрони заглавија возило на регионалниот пат М.Каменица – Кочани
-
Рокот за поднесување на ДДВ 04 продолжен до 29 јануари
-
ВМРО-ДПМНЕ: Драган Николиќ како државен секретар е еден од главните виновници зошто сеуште немаме воен претставник во НАТО
-
Кривична пријава за дебранец кој узурпирал државно земјиште