Измамените од ,,Нефа" заедно ќе ја бараат правдата

Потрошувачите кои нарачале и платиле за парче мебел од ,,Нефа" се организираат за заеднички да ја бараат правдата по измамата од компанијата за мебел.

Тие веќе напаравиле вибер група за комуникација и ги повикуваат сите кои се измамени да им се приклучат.

Контактот го оставиле и во салоните на ,,Нефа", а побараа помош и од медиумите за информацијата да стигне до што поголем број од измамените потрошувачи.

Доколку сте еден од оштетените контактирајте го телефонскиот број : 078 254 318 преку вибер.

Пред две недели компанијата за мебел ги затвори своите салони и замина од земјата, а граѓаните кои нарачале и го платиле мебелот останаа без одговор дали ќе ги добијат парите назад.

До сега до инспекциските служби стотина граѓани пријавија дека се измамени од ,,Нефа".