Изложба „Позитив - негатив - преобразби“

Самостојна изложба „Позитив - негатив - преобразби“ на Благојче Наумоски - Бане вечер ќе биде отворена во „Флукс галерија“ во Скопје.

Концептуалната изложба на тема „Света геометрија“ покажува дека иако сите суштества на планетата Земја со својата дуалистичка природа живеат во постојана борба на позитив/негатив, енергијата е таа што се обновува, не обновува и обединува.

- Императив на проектот е да каже дека треба да се поврземе, да погледнеме подалеку од нашето трето око и чувство. Разбирањето на скриените кодови на геометриските форми овозможува да разбереме како тие кодови, симболи се граделе така што сега им се дава прилика да бидат пронајдени и декодирани преку уметничко дело, вели авторот.