Изложба на Мирко Вујисиќ во Чифте амам
Во организација на Националната галерија на Македонија (НГМ) вечер во Чифте амам ќе биде отворена изложба „Хронологија на дневни записи“ на Мирко Вујисиќ.
- Изложбата го сублимира досегашното творештво на авторот, презентирајќи избор на дела кои го рефлектираат неговиот интензивен интерес кон различни ликовни медиуми - графиката, цртежот и сликата. Во случајов, може да констатираме дека наведениот поим хронолошки записи се однесува на презентирање дела од неговите почетоци, па се до денес, но интенционално е избегната инскрипцијата на конкретни наслови и години на изработка, оставајќи на посетителот самиот да ја исчита приказната низ претставениот сублимат на поетиката на различности, соопшти НГМ.
Мирко Вујисиќ (Прилеп, 1957) дипломирал на Факултетот за ликовни уметности во Скопје, на одделот графика, во класата на проф. Драгутин Аврамовски-Гуте, а постдипломски студии завршил во Белград. Од 1985 година работи на Факултетот за ликовни уметности во Скопје. Имал голем број самостојни изложби и учествувал на повеќе меѓународни изложби на графики и цртежи во Македонија и низ светот. Учествувал и на голем број ликовни колонии и е добитник на награди и признанија.
Ново на Сител
-
Приведено лице од Долни Дисан поради бегство од затворот во Куманово
-
Димитријевиќ од следната сезона ќе игра во Евролигата
-
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
-
Приведени двајца дилери од Прилеп, пронајдена дрога и пушка
-
СПМ: На 8 мај народот ќе ја определи својата иднина и иднината на државата
-
Едeн загинат во сообраќајка на експресниот пат Штип - Кочани
-
На полноќ настапува молк пред вториот круг од претседателските и парламентарните избори на 8 мај
-
Православните верници денеска слават втор ден Велигден и Ѓурѓовден