Изложба на дела од Влахо Буковац, основоположник на хрватската модерна уметност
Во рамки на одбележувањето на Светскиот ден на музеите, Националната галерија на Македонија вечер од 20 часот во Мала станица ќе ја отвори изложбата „Влахо Буковац – ремек-дела од ризницата на Националната галерија на Македонија“.
Покрај Буковац, на изложбата ќе бидат претставени и дела од опусот на други хрватски автори кои твореле во истиот период и кои се дел од колекцијата на НГМ.
Македонската јавност, како што соопшти НГМ, ќе има можност да види дела со голема историска и уметничка вредност, а кои досега не биле презентирани и се недоволно познати.
Влахо Буковац (1855-1922) е основоположник и еден од главните претставници на хрватската модерна уметност и е најистакнатиот хрватски сликар од преминот на 19-тиот во 20 век.
- Иако учел кај големи имиња на академизмот, во подоцнежниот период од неговата кариера врз него влијаеле и новите генерации модерни уметници, па во неговите доцни дела може да се забележи експресионистички допир на четката, како и користење техника блиска до поентилизмот, наведува НГМ за првото претставување на Буковац пред македонската публика.
Поставката „Влахо Буковац – ремек-дела од ризницата на Националната галерија на Маедонија“ ќе биде затворена со предавање на кустосот на изложбата, д-р Кирил Пенушлиски, за што НГМ дополнително ќе информира.
Ново на Сител
-
Загина пешак кај кочанското село Тркање
-
Претседателката Сиљановска Давкова ја предводи македонската делегација на 79. Генерално Собрание на ОН во Њујорк
-
Хезболах објави дека уште еден висок командант е убиен во израелскиот воздушен напад врз предградие на Бејрут
-
Расходите на Харис во август во кампањата се три пати поголеми од оние на Трамп
-
Русија соборила над 100 украински дронови над неколку области
-
Обилни дождови и поплави во Јапонија и Јужна Кореја
-
Рождество на Пресвета Богородица (Мала Богородица)
-
Сончево со мала до умерена облачност, попладне во западните делови услови за локален дожд