Изгоре семејна куќа во Штип - пожарот за само неколку минути направил вистински пустош

Штипско семејство за само неколку минути остана без покрив над главата откако во нивната семејна куќа избувнал пожар. Според информациите од полицијата , вчера во  14:00 часот во Секторот за внатрешни работи Штип, од Територијалната противпожарна единица Штип било пријавено дека на улицата „Солунска“ во куќата сопственост на В.М.(58), избувнал пожар на кат од куќата од кој целосно биле опожарени соба, кујна, трпезарија и тераса.

Од екипа на Територијалната противпожарна единица Штип пожарот бил изгаснат. Причина за настанувањето на пожарот најверојатно била неисправна плинска боца.