Изборен молк во Хрватска пред утрешниот втор круг од претседателските избори
Во Хрватска на полноќ започна изборниот молк во пресрет на утрешниот втор круг од претседателските избори, на кои 3.860.000 гласачи ќе се изјаснат за Колинда Грабар-Китаровиќ (ХДЗ) или поранешниот премиер Зоран Милановиќ (СДП).
Изборниот молк ќе трае до недела во 19 часот, односно до затворањето на гласачките места.
Државната изборна комисија ги повика кандидатите, нивните предлагачи, гласачите и медиумите да го почитуваат изборниот молк. Исто така побарано е молкот да се почитува и на социјалните мрежи.
На полноќ истеке и рокот за собирање донации. Според извештаите, во тоа поуспешна е Грабар-Китаровиќ, која до 27 декември од донатори доби 2,3 милиони куни (околу 308.000 евра), додека Милановиќ собра 813.000 куни (околу 110.000 евра).
Според последната изборна анкета, објавена синоќа во Дневникот на Нова ТВ, 45 проценти од испитаниците планираат да гласаат за Зоран Милановиќ, а 42 проценти за Колинда Грабар-Китаровиќ.
Покрај Хрватска, на изборите ќе гласаат уште 47 земји, при што првите избирачки места се отвораат во Австралија во сабота вечер, по средно европско време.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп