Избоден старец пронајден покрај Вардар

65 годишен жител на Велес доцна синоќа е пронајден во бесознание и облеан во крв покрај Вардар на околу еден километар од вливот на реката Бабуна.

Велешанецот го пронашле неговите роднини. Го барале во тешко пристапниот терен покрај реката откако не се вратил дома од викенд куќата каде престојувал целиот ден.

Мажот веднаш бил пренесен во велешката болница. Кај него лекарите констатирале неколку убодни рани во стомакот, повреди на главата и скршеници на рацете.

Поради сериозните повреди бил препратен на скопските клиники.

Од велешката полиција велат дека на местото каде е пронајден 65 годишниот маж е направен увид и се работи на расфетлување на случајот.

Зоран Јаневски