Италијанскиот претседател побара од ЕУ поорганизиран пристап кон емигрантската криза

Претседателот на Италија, Серџо Матарела ја повика Европската унија да преземе поорганизирани чекори за спрачување со големиот број мигранти кои пристигнуваат во Европа.

- Тоа е проблем пред кој е исправена цела Европа, изјави Матарела по средбата со романскиот колега Клаус Јоханес во Букурешт.

На денешната средба тие разговарале и за прашања поврзани со мигрантската криза, ЕУ и стотиците илјади Романци кои живеат во Италија.

Италија е вториот по големина инвеститор во Романија, а двете држави имаат блиски културни, лигвистички и историски врски.