Италија: Над 200 починати во Бреша за една недела, просечно се заразуваат по 250 дневно
По Бергамо, северниот италијански град Бреша е втора најпогодена провинција во Италија од новиот коронавирус. Трендот на континуиран пораст на бројот на заразени и починати е предмет на загриженост за експертите.
Просечно се регистрираат по 250 нови заразени лица дневно, со над 200 починати секоја недела.
Повеќе од 4.000 жители се ставени во карантин во градот со 200.000 жители познат како една од најиндустриски најразвиените области во Ломбардија.
Речиси половина од фабриките решија да затворат на своја иницијатива, вклучувајќи ја и индустријата за оружје „Берета“.
Мртовечницата во градот е преполна, а трупови сега се сместени во капелата на локалната болница.
Крематориумот работи постојано од 4 часот наутро до 1 часот ноќе. Властите се обидуваат да најдат нови места за болнички кревети во старечки домови и приватни клиники.
Дури и префектот на градот Атилио Висконти е заразен.
Властите решија да формираат теренска болница за справување со кризата – за таа цел тие побараа помош од армијата и нејзините воени лекари.
Пациент број 1 во Бреша е 51-годишен наставник во центар за попреченост заразен пред 20 дена, но сега е добро.
Деновиве почина неговиот 38-годишен ученик, најмладата жртва на коронавирусот во Италија.
Ново на Сител
-
Радев: На државниот врв на Република Северна Македонија им недостасува познавање на меѓународното право
-
Трипуновски: Ги потпишав сите заостанати договори и документи во Министерството
-
Најмногу дожд наврнал во Охрид
-
На „Табановце“ се чека околу 20 минути за влез во земјава
-
Србија: Го величел напаѓачот пред израелската Амбасада во Белград и признал дека ја поддржува ИД
-
Пожарникари од четири земји и ова лето ќе бидат лоцирани во Грција за да помагаат во гаснењето на пожарите
-
Средба Гаши - Лудва: За Чешка од посебно значење е интегрирањето на земјите од Западен Балкан
-
Кривична пријава за „предизвикување општа опасност“ против полициски служеник во Струмица