Исправна водата за пиење во општина Зрновци
Водата за пиење од водоснабдителниот систем на Зрновци од кој се снабдуваат жителите на населените места Зрновци и Мородвис е хемиски и бактериолошки исправна за користење.
- Јавното претпријатие „Водна кула“ кое стопанисува со водоводот во овие две населени места редовно врши хлорирање и испитување на квалитетот на вода во Заводот за јавно здравје во Кочани. Анализите покажуваат дека водата е исправна за користење, изјави денеска градоначалникот Блаже Станков.
Водоснабдителниот систем на Зрновци, истакна Станков, располага со количини на вода од 24 литри во секунда, од кои 12 литри се за населнието од Зрновци, а четири литри за населението од Мородвис.
- Што се однесува до водоснабдувањето на населеното место Видовиште, жителите не се приклучени на нашиот водоснабдителен систем, туку имаат свој сопствен водовод, и со него стопанисува месната заедница. Загаденоста на системот со користење на водата од Видовишка Река доведува до неиспоравност на водата за пиење, која и според последните анализи на Заводот за јавно здравје од Кочани е хемиски и бактериолошки неисправна за пиење, прецизира Станков.
Најави дека општина Зрновци прави напори и водоснабдителниот систем на Видовипште да биде дел од општинскиот за кој ќе се грижи во целост општината.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари