Исполнети се сместувачките капацитети за ковид пациенти во струмичката болница
Седумдесет и пет ковид-пациенти се лекуваат во струмичката болница, а 16 од нив се на кислородна поддршка, информира директорот д-р Наќе Гогов.
Иако полека се намалува бројот на новозаразени во Струмица, сепак бројот на пациенти кои се лекуваат од коронавирусот во болницата е голем.
– Имаме уште 30 пациенти кои се лекуваат во дневната болница, кои доѓааат тука да ја примат терапијата и потоа продолжуваат да се лекуваат дома. Вчера се испишани шест оздравени пациенти и засега имаме толку слободни кревети од вкупно 81, изјави директорот Гогов.
Двајца лекари и три медицински сестри се во изолација и во споредба со порано овој број е многу помал кога имаше десетина заразени од медицинскиот персонал.
Инаку, на почетокот на овој месец почнаа работите за поставување на модуларна ковид-болница во Струмица. На површина од околу 600 метри квадратни треба бидат поставени 36 контејнери во кои ќе има триесетина кревети наменети за пациенти со лесна и потешка клиничка слика.
Ново на Сител
-
СДСМ ја кандидира Каја Шукова за градоначалник на Скопје
-
Тема на денот со Горан Марковски, декан на Градежниот факултет
-
СДСМ ја кандидира Каја Шукова за градоначалник на Скопје
-
Вештачката интелигенција од септември ќе се применува во средните училишта во Македонија
-
Детска болница Козле доби вода
-
Болницата во Козле и денеска без вода – од Водовод велат проблемот е на болницата, не нивен
-
Продолжен рокот за пријавување на волонтери за гаснење пожари
-
Мицкоски предлага заедничка резолуција на Бугарија