Исламската Држава се закани на Русите преку Тајланд
Во градовите и туристичките комплекси во Тајланд од денеска е подигнат степенот на безбедност, по информацијата дека најмалку10 Сиријци, инструктори и борци на Исламската Држава допатувале во Тајланд. Сознанијата за подготвување терористички напади на тајландските власти им ги пренесоа руските контраразурнувачи, кои ја следеле комуникацијата во ИД по започнувањето на руските воздушни напади врз целите во Сирија.
Се претпоставува дека главна мета на терористички напади би биле хотелите во Бангкок и познатите туристички локалитети, како што се Пукет и Патаја, каде што за новогодишните празници ќе допатуваат голем број туристи од Русија.
Дека се работи за сериозна потенцијална опасност потврди и главниот инспектор на малезиската полиција Калид Абу Бакар. Тој денеска изјави дека заканите се реални и на околу 250.000 Малезијци, кои овој месец се подготвуваат да го посетат Тајланд им препорача да бидат внимателни, или да ги откажат аранжманите.
Во Тајланд се стравува дека во рамките на така наречената „Руска кампања“ терористите од Исламската Држава ќе имаат поддршка и од дел на муслиманското население во државата.
Тајландските муслимани се незадоволни поради одлуката на овдешните власти во Кина да врати група од стотина муслимански сепаратисти, кои во Кина ги очекува судење. На дел од бегалците од Кина Тајланд во јуни им дозволи да заминат во Турција, а на кинеско инсистирање преостанатите ги врати назад во Кина. Се претпоставува дека нападот на будистичкиот храм во Бангкок, при што загинаа 104 посетители, беше дело на одмазда на радикалните муслимани по одлуката на Тајланд за враќање на исламските сепаратисти во Кина.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација