Искршена урбана опрема во Паркот на бегалците во Струмица

Непознати сторители искршиле урбaна опрема во „Паркот на бегалците“  во Струмица, информираат од ЈПКД „Комуналец“.

На удар на вандалите биле клупите за седење и друга урбана опрема, а кршењето е извршено во ноќните часови.

Од струмичкото комунално претријатие го осудуваат вандалското однесување и апелираат до граѓаните да бидат повнимателни кога станува збор за општите добра во општината.

Додаваат дека ќе биде покрената соодветна постапка за откривање и казнување на сторителите.