Иранската револуционерна гарда ги ослободи американаките морнари
Иранската револуционерна гарда претпладнево ги ослободи десетмината заробени американаски морнри, соопшти државната телевизија на Иран.
Во соопштението издадено во Техеран се вели дека „групата“ била ослободена во меѓународни води.
Дестмината морнари беа заробени од Иранската револуционерна гарда откако вчера еден од двата патролни чамци на кои биле деветмина мажи и една жена по грешка на навигацискиот систем навлегоа во иранските територијални води.
Инцидентот се случи на неколку часови пред последното обраќање на претседателот на САД, Барак Обама за „состојбите на нацијата“.
Бродовите и морнарите, кои учествувале во обука во Заливот, беа одведени на островот Фарси.
За инцидентот, телефонски разговарале американскиот државен секретар Џон Кери и неговиот ирански колега Џавад Зариф.
Во денешното иранско соопштение се вели дека морнарите се ослободени по извинувањето на САД за ненамерниот инцидент.
Извинувањето го спомена генералот на Иранската револуционерна гарда, Али Фадави кој инцидентот и грешката на американските морнари ја оквалификува како „непрофсионалност“.
Од американска страна нема потврда дека државниот секретар Кери им се извинил на иранските власти за инцидентот во Персискиот Залив.
Ново на Сител
-
Првите шест авиони „Рафал“ во Хрватска пристигнуваат оваа недела
-
Швајцарија замрзна руски имот во вредност од 5,8 милијарди франци
-
Венеција почнува да наплаќа влезници
-
ДИК објави упатство за гласање на претседателските избори
-
Избирачкиот список намален за 10 000 гласачи
-
Претседателски избори ќе ги следат 342 домашни и 568 странски набљудувачи
-
Право на глас на претседателските избори имаат 1.814.317 избирачи
-
Пленковиќ преговара со десницата мнозинство во хрватскиот парламент