Иран напаѓа цели во Ерусалим, Израел возвраќа со „широк напад“ врз Техеран

Иранската револуционерна гарда денеска соопшти дека најновите ракетни напади биле насочени кон канцеларијата на израелскиот премиер Бенјамин Нетанјаху и врз Командата на израелското воено воздухопловство.

Цели на нападите беа канцеларијата на криминалниот премиер на ционистичкиот режим и седиштето на командантот на воздухопловните сили на тој режим, се наведува во соопштението на Револуционерната гарда.

Во најновиот напад биле употребени ракетите „Кејбар“.

Израел соопшти дека во иранските напади нема повредени лица.

Во меѓувреме, на социјалните мрежи се појавуваат снимки од нови напади врз Техеран. Израелската армија потврди дека „почнала дополнителен широк напад“ врз главниот град на Иран.