Иран и САД постигнаа договор за спор стар 35 години

САД и Иран денеска го решија долгогодишниот спор во специјалниот трибунал во Хаг, така што Техеран добива замрзнати од 1981 година средства во вредност од 400 милиони долари плус 1,3 милијарди долари камата, соопшти американскиот Стејт департмент.

Тоа е еден од најважните договори постигнати во последните 35 години во трибуналот во Хаг. Како резултат на конструктивните билатерални преговори успеавме чесно да го затвориме овој случај, изјави американскиот државен секретар Џон Кери, пренесува ТАСС.

Средствата се дел од целен фонд, користен од Иран да купува воена опрема од САД, што остана неискористен со децении поради спор во специјалниот трибунал за уредување на побарувањата меѓу Иран и САД во Хаг.