Свет
24. October 2016 - 13:01

Ирак демантира дека турски војници учествуваат во битката за Мосул

Турција не учествува во операцијата за ослободување на Мосул од групата „Исламска држава", се наведува во соопштението од ирачката команда.

Анкара претходно соопшти дека пружа воена поддршка во оваа битка.

„Ирачката оперативната команда негира дека Турција учествува во каква било форма во операциите за ослободување на Ниневија“, провинцијата чиј центар е Мосул, се вели во соопштението на командата.

Вчера, турскиот премиер Бинали Јилдирим изјави дека турската артилерија нанела удари на позиции на ИД во северен Ирак - во градот Башика, на околу 25 километри од Мосул. Тој прецизираше дека интервенцијата е извршена по барање на ирачките курдски борци Пешмерга, кои се борат против џихадисти во оваа зона.

Во последните денови ирачките Курди се пожалија дека меѓународна антиџихадистичка коалиција, предводена од САД, нанесува премалку воздушни напади како поддршка на нивната копнена офанзива.