Ирачкиот премиер официјално поднесе оставка
Ирачкиот премиер Адел Абдул-Махди официјално поднесе оставка до Парламентот, а пратениците се очекува денеска да гласаат дали ќе ја прифатат.
Ирачкиот премиер ја најави својата оставка во петокот, еден ден откако за време на антивладините протести во Багдад и јужен Ирак беа убиени повеќе од 40 демонстранти и набргу откако ирачкиот шиитски верски лидер Али ал-Систани предупреди на можноста од граѓанска војна и ги повика пратениците да ја повлечат поддршката за Владата.
Вчера беа убиени уште тројца демонстранти, а најмалку 58 беа повредени.
Најмалку 400 демонстранти се убиени од 1 октомври, кога илјадници Ирачани излегоа на улиците на Багдад и претежно шиитските јужни провинции протестирајќи против корупцијата, лошите јавни услуги и недостигот на работни места.
Безбедносните сили користеа муниција, солзавец и димни бомби за да ги ратераат демонстрантите.
Ново на Сител
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје