ИОМ: Најмалку 78 мигранти се заглавени во Средоземно Море

Најмалку 78 мигранти од Либија кои тргнале кон Европа заглавени се на море, соопшти денеска Меѓународната организација за миграција (ИОМ).

Мигрантите од Либија побегнале пред три дена, а вчера биле спасени од трговски брод во Средоземно Море. Бродот на кој се наоѓаат мигрантите се уште не дпбил дозвола за впловување од ниту пристаниште, изјави портпаролката на ИОМ, Сафа Мсехли.

Таа упати апел до Европска Унија да воспостави јасен и сигурен механизам за луѓето спасени во Средоземно Море.

За помалку од една недела ова е четврти брод, на кој се наоѓаат мигранти кои заминале од Либија, соопшти ИОМ.

Еден брод до 57 мигранти пристигна до Малта, каде е ставен во карантин поради пандемијата со новиот коронавирус, друг брод со 68 мигранти пристигна на италијанскиот остров Лампедуза, а третиот брод со 51 мигрант беше пресретнат и вратен во Либија.

Поголемиот број мигранти заминуваат од Либја во недоволно опремени и несигурни гумени чамци.

Според проценките на ИОМ од 2014 година починаче над 20.000 мигранти кои се обиделе да го поминат Средоземно Море.