Интер и Манчестер сити полуфиналисти во Лигата на шампиони
Интер и Манчестер сити го заверија вечерва пласманот во полуфиналето во Лигата на шампиони, откако италијанскиот тим ремизираше со Бенфика на реваншот во Милано (3:3), додека премиерлигашот одигра нерешено (1:1) против Баерн во Минхен.
Откако победи на првиот натпревар во Лисабон со 2:0, Интер не ја испушти предноста на реваншот во Милано и беше блиску до нов триумф со головите на Бареља во 14 минута, Мартинез (65) и Кореа (78), додека стрелци за Бенфика беа Аурснес (38), Антонио Силва (86) и Муса (90+5).
Манчестер сити на гостувањето во Минхен допатува со предност од 3:0, која ја зголеми Халанд во 57 минута, откако норвешкиот голгетер претходно во завршницата на првиот дел промаши пенал.
Баерн избегна втор пораз во четвртфиналната пресметка со Манчестер сити со голот на Кимих во 83 минута од пенал.
Пласман во полуфиналето вчера обезбедија Реал Мадрид и Милан.
Бранителот на европската титула Реал во полуфиналето ќе игра против Манчестер сити, додека второто полуфинале ќе донесе италијанска пресметка меѓу градските ривали Интер и Милан.
Полуфиналињата се на распоредот на 9 и 10 мај, односно 16 и 17 мај.
Финалето е на 10 јуни во Истанбул.
Ново на Сител
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници
-
Организациската директорка на Токсикологија тврди дека клиниката има потреба од 18-те спорни вработувања
-
Пуштен во употреба нов патен правец меѓу Албанија и Косово
-
Палевски спроведен пред судија на претходна постапка