Инфоден и работилница за програмата Креативна Европа - потпрограма Култура

Инфоден и работилница за програмата Креативна Европа - потпрограма Култура денеска во НУБ „Св. Климент Охридски“ ќе организираат канцелариите на оваа програма при Министерството за култура на РМ и на Кралството Белгија.
Ќе биде претставено белгиското искуство и два успешни проекта поддржани од Креативна Европа (Блекборд музички проект на Музичка младина на Македонија и поетската платформа „Версополис“ на НУ Струшки вечери на поезијата).
Настанот ќе го отворат претставниците на канцелариите за Креативна Европа - Култура од Македонија и Белгија, Билјана Прентоска и Гудрун Хејманс.
Во втората сесија од инфоденот ќе има работилница наменета за заинтересираните учесници, со цел да се подготват за претстојниот повик за аплицирање за категоријата „Проекти за соработка“. Апликациите до Извршната агенција за образование, аудиовизуелна дејност и култура при Европската комисија треба да бидат доставени до 5 октомври 2016.
- Ова е прв заеднички јавен настан на двете национални канцеларии чија цел, меѓу другото, е да ја зајакне соработката меѓу културните оператори од двете земји во рамки на европската културна соработка, информира Министерството за култура.
Ново на Сител
-

Трамп ја опиша атмосферата од средбата со Шји и Путин како одлична
-

Пуштени во продажба влезниците за натпреварот на македонските кошаркари против Кипар во Скопје
-

Сараевски медиуми: Поднесено е обвинение против премиерот, министерот за полиција на ФБиХ и други поради примање мито
-

Мицотакис: Грција ги доби сите средства што ѝ следуваа од европскиот Фонд за закрепнување, вкупно 35,95 милијарди евра
-

Генералниот секретар на НАТО утре ќе ја посети Полска, на местото каде што денеска паднаа две руски ракети и дрон
-

Влада: Заштитата на жртвите е приоритет, насилството не смее да биде предмет на партиски препукувања
-

Од понеделник продолжуваат дијагностичките испитувања за бруцелоза кај говедата
-

УЕФА ја казни англиската репрезентација поради расизам
