-->
-->
Инфантино нов претседател на ФИФА
-->
Новиот претседател на Меѓународната фудбалска федерација(ФИФА), Швајцарецот Џани Инфантино во петок во првото обраќање по изборот нагласи дека сака да го врати угледот на ФИФА нарушен со бројни корупциски афери.
„Драги пријатели, не можам да опишам како се чувствувам во моментот. Минав неверојатно патување на кое запознав многу фантастични луѓе кои го сакаат фудбалот. Ќе го обновиме угледот на ФИФА и сите во светот ќе ни аплаудираат“, рече Инфантино на учесниците на вонредниот конгрес на ФИФА во Цирих.
„Сакам да работам со сите вас за да создадеме нова ера на ФИФА во која фудбалот повторно ќе биде во центарот на вниманието. ФИФА мина низ криза и тажни времиња, но тоа е сега зад нас. Треба да воведеме реформи, транспарентност и управување со добра верба. Исто така, треба повторно да го заслужиме почитувањето и тоа преку напорна работа“, додаде Инфантино.
Швајцарскиот адвокат, 45 годишниот Џани Инфантино беше генерален секретар на Европската фудбалска федерација од 2009 година, а зад себе има 15 години искуство во различни фудбалски администрации. Се истакна со предлогот во иднина на светските првенства да учествуваат 40 репрезентации, наместо 32, како што сега е случај.
Инфантино е оженет и има четири деца, а зборува пет јазика – италијански, француски, германски, англиски и шпански.
Роден е на 23 март 1970 година во швајцарски Бриг, оддалечен само девет километри од родниот град на досегашниот прв човек на ФИФА, Сеп Блатер. Иако во мај минатата година Блатер на изборите доби нов четиригодишен мандат, Блатер притиснат од бројните корупциски афери мораше да поднесе оставка.
-->
-->
-->
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево