Индустриското производство во мај зголемено за 9,2 проценти
Индустриското производство во мај е зголемено за 9,2 проценти во споредба со истиот месец минатата година, објави денеска Државниот завод за статистика.
Гледано по сектори, пораст има во секторот Рударство и вадење на камен за 7,7 проценти, во секторот Преработувачка индустрија за 8,8 проценти и во секторот Снабдување со електрична енергија, гас, пареа и климатизација за 13,8 проценти.
Во секторот Преработувачка индустрија зголемувањето е резултат пред сѐ на зголеменото производство во делот на прехранбените производи, пијалаци, тутунски производи, текстил, фабрикувани метални производи, освен машини и опрема и производството на моторни возила, приколки и полуприколки.
Според главните индустриски групи, пораст има кај Енергија за 18,1 процент, Интермедијарни производи, освен енергија за 6,8 процент, Капитални производи за 23,5 процент, Трајни производи за широка потрошувачка за 4,9 и Нетрајни производи за широка потрошувачка за 1,6 проценти.
Во периодот јануари - мај во однос на истиот период минатата година има зголемување од 0,6 проценти.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка