Индов: Мостри ориз од неколку кочански оператори доставени на анализа
Државниот инспекторат за земјоделство денеска доставило на анализа нови мостри ориз земени од неколку магацини од Кочани за да се утврди дали се генетски модифицирани.
Како што изјави за МИА директорот на Инспекторатот Благој Индов, резултатите од анализите се очекуваат во среда или четврток.
- Прибравме мостри од неколку магацини од Кочани. Денеска се дадени на анализа. Поради тоа што е утре неработен ден, резултати очекуваме во среда или четврток, рече Индов.
Оризовото семе за кое Агенцијата за храна и ветеринарство (АХВ) објави дека е генетски модифицрано и од увоз, според Индов, влегло во Македонија на нелегален начин.
Инспекторатот за земјоделство ја презема контролата врз генетски модифицираниот ориз на 21 август откако ги доби резултатите од анализите што дотогаш ги следеше АХВ. Тогаш Индов за МИА изјави дека контролите продолжуваат се додека не се дојде до узвониците
- Семето во овој случај не е увезено легално. Затоа, ќе ги продолжиме контролите. Наредниве денови ќе се истражува тоа. Уште не се знае за колку семе станува збор, утврдено е само дека кај повеќе производители има генетски модифициран ориз, рече директорот, потсетувајќи дека увоз на генетски модифицирано семе не е забрането, но мора да е со сертификат и декларирано.
Ново на Сител
-
Лавров: Блискиот исток е на работ на голема регионална војна
-
Кина продолжува да ги намалува ограничувањата за странски инвестиции
-
Фон дер Лајен: Трансформациите треба да бидат фер и да обезбедат просперитет за сите во Европа
-
ДЗС располага само со еден функционален „Ер трактор“, но моментално нема потреба од дополнителни летала
-
Лишени од слобода деветмина дрвокрадци, поднесена кривична пријава
-
Се шетал со полн пиштол и уште 61 куршуми - Уапсен 19 годишник
-
СВР Скопје со засилени мерки за безбеден град Скопје
-
ВМРО-ДПМНЕ: Антикорупциска и ЈО да испитаат зошто Филипче како министер криел имот што го поседува