Инцидент во Охрид - излегол од кафе бар и добил ќотек

Утринава четириесет минути по полноќ во Полициската станица Охрид, Д.Ј. (30) од село Лешани, охридско, пријавил дека на вчера во 23:50 часот во кафе бар на ул. „Партизанска“ во Охрид од лицето Д.Н. му била загрозена сигурноста. Според пријавата, во наведеното време Д.Н. почнал да го навредува и омаловажува и да удира по масите, по што бил изнесен надвор од објектот. Истиот ден во 3:10 часот во Полициската станица Охрид, Д.Н. пријавил дека физички бил нападнат од лицето Д.Ј., при што му биле нанесени повреди. Според пријавата, кога излегол од објектот и седнал во возило „Ауди“ со охридски регистарски ознаки, Д.Ј.  ја отворил вратата и физички го нападнал. Се преземаат мерки за расчистување на настанот.