Инцидент во Гази Баба при апсење на осуденик

Вчера во 18.45 часот во Полициска станица Гази Баба бил приведен Л.А.(20) од с. Арачиново, скопско, поради обид за спречување службено лице во вршење на службено дејствие.

Според пријавеното, околу 15.45 часот на ул.Радован Ковачевиќ, полициски службеници се обиделе да го приведат М.А., кој се барал за издржување на казна затвор, но тој со патничко моторно возило „пежо 806“’ со скопски регистарски ознаки го напуштил местото на настанот. 

Во обид да го престигнат, полициските службеници биле спречени од Л.А., кој управувал патничко  моторно возило „ауди К-7“, со скопски регистарски ознаки. По целосно документирање на случајот, против него ќе биде поднесен соодветен поднесок.