Инцидент во Егејското море, се судрија турски и грчки брод
Грчкиот весник „Катимерини“ на официјалниот сајт, објави две видеа од инцидентот во Егејското Море, односно моментот кога турскиот брод „Умут“ удира во задниот дел од грчкиот брод „Гавдос“ на 12 февруари.
Како што јавува дописникот на МИА од Атина, видео материјалот е од камерите на грчкиот брод и се гледа како предниот дел од „Умут“, со мала јачина удира во задниот дел на „Гавдос“
Како што објави МИА во вторникот, турското МНР тврдеше дека грчкиот брод го предизвикал инцидентот, а грчкото МНР обвини дека турскиот брод удрил во грчкиот. Инцидентот, одново ги зголеми тензиите во односите меѓу Атина и Анкара.
Видео материјалот од камерите на грчкиот брод, министерот за одбрана на Грција, Панос Каменос, во средата им го покажал на неговите колеги, министрите за одбрана на НАТО, а за инцидентот го информирал и Генералниот секретар на алијансата.
Инцидентот во Егејското Море меѓу турскиот патролен брод со должина од 88 метри и бродот на грчката крајбрежна служба со должина од 58 метри, се случи во понеделникот, 20 минути пред полноќ, во морскиот дел околу островот Имиа, на грчка територија.
Грчкиот брод претрпе материјална штета, без да има повредени членови на екипажот, кој броел 27 лица.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка