Свет
22. January 2021 - 8:36

Инаугурацијата на Бајден погледана од онаа на Трамп пред четири години

Околу 40 милиони луѓе ја гледаа на телевизија инаугурацијата на демократот Џо Бајден за претседател на САД. Тоа е за четири проценти повеќе од гледаноста на инаугурацијата на Доналд Трамп во 2017 година, соопшти компанијата Нилсон, врз основа на податоците од шест телевизиски станици што ја емитувале церемонијата.

Податоците се однесуваат на 30-минутен период од времето кога Бајден положи заклетва, а потоа го одржа својот инаугуративен говор. Тука спаѓаат гледачи кои ги вклучиле своите телевизори во текот на тие 30 минути, на Еј Би Си, Си Би Ес,  Ен Би Си, Фокс Њуз, Си Ен Ен и Ем Ес Ен Би Си. Во 2017 година, околу 38,3 милиони луѓе ја гледаа инаугурацијата на Трамп на овие телевизии.