Свет
5. April 2019 - 9:19

Илјадници пожарникари се борат со пожарот во кој изгореа повеќе од 100 куќи во Јужна Кореја

Повеќе илјади пожарникари и војници се обидуваат денес да ги стават под контрола шумските пожари во Јужна Кореја, во кои загина едно лице, додека повеќе од 4.000 биле присилени да ги напуштат своите домови.

Пожарите избиле синоќа во источната покраина Гангвон и ги зафатиле градовите Сокчо и Гангнеунг, а изгореле околу 525 хектари и околу 198 куќи, засолништа и други згради, додава владата. 

Околу 2.263 граѓани се евакуирани во зградите на гимназијата и училиштата, додека 52 училишта се затворени.

Пожарот во областа Сокчо е ставен под контрола, додека во регионот Гангнеунг околу 50 % од пожарите се под контрола, додава владата.

Претседателот Мун Џае Ин наредил да се употребат сите расположливи средства за да се изгаснат шумските пожари, соопштуват од неговиот кабинет.

Околу 872 противпожарникарни возила и 3.251 пожарникари од сите делови на земјата се обидуваат да го контролираат пожарот, наведува Националната противпожарна агенција.

Министерството за одбрана соопшти дека на терен има 16.500 војници, 31 воени хеликоптери и 26 камиони за гаснење на пожарот и дека ќе има оброци за 6.800 луѓе.