Илиоски: Инвестициите во „Жабени“ ќе бидат главен мотор за економскиот развој на Битола

Кандидатот за градоначалник на Битола од ВМРО-ДПМНЕ и Коалицијата „За подобра Македонија“, Зоран Илиоски најави нови инвестиции во Индустриската зона „Жабени“-Битола.

- Ќе продолжиме да ја подигнуваме атрактивноста на Индустриската зона со повеќе инфраструктурни проекти, меѓу кои изградба на нова улична мрежа во тој мал индустриски град за што во нашата програма предвидуваме буџет од 12,5 милиони денари, рече Илиоски.

Додаде дека имаат план и за Офицерскиот дом во Битола. 

- Исто така за реконструкција на Офицерскиот дом, кој е важен за битолчани, имаме предвидено 1 милион евра со конкретни предлог содржини и намена за која заеднички со граѓаните ќе дебатираме, истакна меѓудругото Илиоски во својот предизборен настап пред битолчани.