Игумен на манастир од Косово депортиран во Македонија
Игуменот на манастирот Девина вода на СПЦ во општината Звечан на Косово, Отец Фотиј, кој е државјанин на Македонија бил депортиран од Косово по итна постапка и без објаснување од страна на косовската полиција, тврдат од Српската православна црква.
Отец Фотиј како Александар Костовски е роден во 1981 година во Скопје, а во Рашко-Призренската епархија на СПЦ е од 2004 година.
Согласно со косовските закони, отец Фотиј како граѓанин на Македонија секоја година аплицираше за дозвола за престој во последните 5 години. Кога денеска требаше да подигне нова дозвола со лична карта, без образложение му беше кажано дека барањето му е одбиено, се наведува во соопштението од епархијата.
Откако бил принуден да се согласи на депортација, на отец Фотиј привремено му бил одземен пасошот на Македонија и мобилниот телефон, темелно му бил претресен автомобилот на што посведочил и преставник на ЕУЛЕКС, по што со полициска придружба бил депортиран до границата со Македонија каде му бил вратен пасошот и телефонот со забрана за влез во Косово во следните 5 години.
На депортацијата реагираше и директорот на Канцеларијата за Косово и Метохија.
Ново на Сител
-
Честитка од претседателката Сиљановска Давкова по повод Денот на Бошњаците
-
Лавров: Блискиот Исток е на работ на тотална војна
-
Знаци што телото ги праќа ако се внесува премногу додаден шеќер
-
Австралијката МекКион постави светски рекорд на 100 метри грбно
-
Трет пораз на Еурофарм Пелистер во Лигата на шампиони
-
Стапува во сила Законот за нефер трговски практики, се очекува намалување на цените на околу 2.500 производи
-
Унгарија со план како да го реши спорот меѓу Скопје и Софија, за Орбан земјава мора да ги почне преговорите до крајот на годинава
-
Во Претставничкиот дом предложена резолуција да се слават јазикот, историјата и културата на македонските Американци