Игуаин веќе го облече дресот на Милан
Аргентинецот Гонзало Игуин ги почна медицинските тестови во Милано.
Ако се е како што треба, тој ќе премине кај „росонерите“ од Јувентус на заем за 18 милиони евра. Следното лето трансферот би можел да стане траен за уште 36 милиони евра.
Игуаин беше пречекан од стотици навивачи на „црвено-црните“ и изјави дека почнува нова авантура во кариерата.
- Веќе зборував со Џенаро Гатузо и сум расположен позитивно, рече 30-годишниот стрелец, кој во 105 натпревари постигна 55 гола за „бјанконерите“.
Потсетуваме дека Јуве и Милан ќе направат уште еден голем трансфер меѓу себе. Леонардо Бонучи и Матија Калдара ќе ги сменат своите места без дополнителни исплати и дополнителни клаузули и бонуси.
Капитенот на Италија веќе пристигна во Торино. Дефанзивецот вчера долетал од САД за денеска да биде на медицински прегледи. Бонучи беше снимен на аеродромот во одлично расположение, но одби да зборува пред да потпише официјален договор со шампионите.
Бонучи, кој има шест титули со Јувентус, ја намали својата плата за повеќе од два милиони евра за да се врати во составот на Масимилиано Алегри.
Ново на Сител
-
Одбележана 80-годишнината на Стопанска банка - темелот на домашната економија
-
Уапсени две лица кои сакале да крадат од зградата во Чаир која гореше вчера
-
Шолц: Никогаш не ги заборавајте негативните аспекти на обединувањето на Германија
-
ЕК бара информации од Јутјуб, Снепчет и ТикТок за начинот на препорачување содржини на корисниците
-
Лејди Гага и Мајкл Полански планираат „скромна“ свадба
-
Прилеп - Градско и Ранковце - Крива Паланка готови до Нова година
-
Николоски: Поголемиот дел од автопатот Охрид - Кичево во функција до лето
-
Таравари: Утре првични информации за починатата родилка во Куманово