Ифет Бајрамоски избран за претседател на Основниот суд Струга

Судскиот совет на Република Македонија на денешната седница го избра Ифет Бајрамоски за претседател на Основниот суд Струга.

- Претседателот на Судскиот совет на РМ Бранко Ушковски констатира дека и на оваа седница, применувајќи го мерит системот, на најтранспарентен начин за претседател е избран кандидатот кој ги исполнува условите и критериумите утврдени со Законот за судовите, во постапка и на начин утврдена во Законот и Деловникот за работа на СС, стои во соопштението од Судскиот совет.

Ушковски посочува дека за претседател е избран кандидат кој покрај другите услови и критериуми во последните две години од страна на Судскиот совет преку АКМИС системот е оценет со највисока позитивна оцена и во однос на другиот кандидат  има добиено најголем број бодови. 

Сите членови на Судскиот совет, како што вели Ушковски, и во иднина ќе продолжат да ги применуваат највисоките европски стандарди и со тоа  континуирано да го надградуваат основното начело, а тоа е „обезбедување на непристрасност и при изборот на претседатели и изборот на судии“