ИД за три недели киднапирала 900 цивили Курди во северниот дел на Сирија

Џихадистичката група Исламска држава (ИД) киднапирала 900 Курди во сириската провинција Алепо во последните три недели за време на жестоките судири за контрола врз упориште на ИД, соопшти Сирискиот центар за мониторинг на човековите права.

Според организацијата, чие седиште се наоѓа во Лондон, 900 цивили биле киднапирани во близина на градот Ал Баб, кој е под контрола на ИД.

Портпаролот на главно курдските Сириски демократски нсили, поддржани од САД, Шерфан Дарвиш изјави дека над 900 луѓе се киднапирани како одговор на офанзивата врз Манбиџ, упориштето на ИД.

Дарвиш истакна дека „кога ИД е поразена, тогаш таа одговара и возвраќа врз цивилно население“.