ИД осомничена за трговија со човечки органи
Џихадистичката група Исламска држава (ИД) на своите припадници им одобрила од заробените „неверници“ да можат да вадат органи, кои потоа би се користеле за спасување на животите на муслимани, објавија американските медиуми, повикувајќи се на еден документ издаден од групата на почетокот на година.
Ова, според медиумите, би можело да претставува доказ дека ИД, меѓу останатото, се финансира и со трговија со човечки органи.
Во документот, со датум од 31 јануари 2015 година, се вели дека џихадистите може да вадат органи од заробениците за да спасат живот на муслиман, без разлика што тоа може да ги загрози животите на заробените жртви.
- Животот и органите на неверниците не мора да се почитуваат и можат да се земат без никакви санкции, се наведува во документот, напишан во форма на фетва, односно верски закон.
Медиумите наведуваат дека примерок од овој документ бил откриен за време на акција на американските специјални сили во источна Сирија во текот на мај оваа година.
Иако ваквиот документ не претставува сигурен доказ дека ИД се занимава со препродажба на човечки органи, сепак таа може да претставува потврда на претходно изнесените обвинувања на сметка на џихадистите дека вадат органи од заробени не-муслимани и дека ги продаваат со цел да остварат профит.
Анонимен претставник на американските власти изјави дека овој документ и овозможува на Администрацијата на САД да има подобар увид во тоа како ИД обезбедува средства и како ги организира своите следбници.
По објавувањето на ваквите информации се огласи ирачкиот амбасадор при ОН, Мохамед Али ал-Хаким, кој оцени дека Советот за безбедност на Светската органзиација би требало да ги разгледа овие документи и да утврди дали тие претставуваат доказ оти ИД се финансира преку трговија со човечки органи.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп