И покрај забраната има огромен број знамиња со сонцето од Кутлеш на трибините во Вараждин

Дел од македонската Фаланга успеа да истакне знаме со сонцето од Кутлеш, без разлика на забраните и конфискацијата на знамиња предвидени од кодексот на однесување објавен од Хрватската ракометна федерација.

Хрватската ракометна федерација пред неколку дена најави забрана на влез со „спорни“ знамиња кои не се официјални државни симболи. Обезбедувањето запленило неколку знамиња, но и покрај тоа, сонцето од Кутлеш може лесно да се запримети во публиката.

Македонија на полувремето има нерешен резултат со Унгарија. Избраниците на Кире Лазаров имаа и 4 гола водство, но Унгарија ги искористи неколкуте грешки во крајот на првото полувреме и успеа да го израмни резултатот.

Наш најдобар стрелец во првото полувреме е капитенот Кузмановски со пет постигнати гола.