И нашата држава да бара тест за корона и мерки за самоизолација е ставот на Комисијата за заразни болести
Ниту денеска не се одржа најавениот состанок на членовите на Комисијата за заразни болести со скопските градоначалници.
Засега нема најава кога истиот ќе се случи. На денешниот состанок како што беше најавено требаше да се побара од првите луѓе на скопските општини поголем ангажман во справувањето со ширењето на коронавирусот, односно поголема контрола на локално ниво и зачестени контроли во автобусите, парковите, пазарите и останатите места каде што има поголем собир на граѓани.
Да се почитуваат мерките како што се задолжително носење на маска и држење физичко растојание од најмалку два метри.
Викендов позитивен на коронавирус испадна и првиот човек на град Скопје, Петре Шилегов и најверојатно затоа е одложен денешниот состанок со членовите на Комисијата за заразни болести.
Комисијата за заразни болести денес одржа редовен состанок на кој се разговарало да се упати предлог до Министерството за образование бидејќи овој период е уписен рок, истиот за упис на средношколците да биде одложен за оние деца кои ја издржуваат мерката за самоизолација или се на лекување поради позитивен тест на коронавирус. На состанокот станало збор и до крајот на неделата да бидат отворени но под посебни протоколи и теретаните и фитнес центрите кои останаа затворени поради корона кризата. Станало збор и за границите, односно каков предлог да се достави за слободен проток на патници во наредниот период.
Ставот на Комисијата е и нашата држава да бара тест за корона и мерки за самоизолација За влез од Србија во Македонија најверојатно нема да се бара тест и мерки за самоизолација. Грција објави отворање на границите на први јули, меѓутоа уште нема информации како ќе се одвива протокот на патници помеѓу нашата земја и Грција. Засега остануваат затворени и границите со Бугарија.
Ново на Сител
-
Укината блокада на трите гранични премини меѓу Косово и Србија
-
Ангелов: Попладневните дождови помогнаа во гаснењето на пожарот во прилепско Мариово
-
Бод за македонската репрезентација од гостувањето во Фарски острови
-
Тројца малолетници лишени од слобода поради физички напад во Градски парк
-
Две лица од Кочани лишени од слобода поради сомнение дека извршиле убиство на нивниот сосед во неговиот дом
-
Средношколец од Скопје се заканувал на вработени во училиштето, оштетил инвентар
-
Николовски: Го поставивме лозаровинарскиот сектор како еден од најприоритетните во делот на поддршката од Владата и државата
-
Мелони и Зеленски разговараа за постигнување праведен мир и обнова