И Французите не знаат како да се справат со смрдливките: Тргнаа во инвазија на париските станови

Бубачките смрдливки кои се вообичаени за подрачјето на Јапонија и Кина, ја преплавија и Европа, а ги има се повеќе и во градовите.

Овие малечки бубачки може да нанесат големи штети врз посевите, а изглед аи дека се преселија во урбаните области, предупредува британскиот Индипендент.

Како што се наведува, париските станови се полни со смрдливки и граѓаните не знаат како се пресметаат со нив.

Проблемот е прво воочен во 2015 година. Како што се приближува зимата, смрдливките се вовлекуваат во куќите.

„Од септември имаме куп повици поради смрдливките, и речиси во сите делови од Париз, рече експертот за биодиверзитет Роман Гаруст.

Тој додава дека во ова време од годината е важно за смрдливките зошто бараат погодно место за хибернација.

“Бидејќи нашите куќи се добро загреани, тоа е совршено место за нив“, вели тој.

Бубачките брзо се размножуваат па многу тешко може да се ослободите од нив. За една година може да настанат 6 генерации смрдливки.

Британскиот весник наведува дека овие бубачки случајно во 1998 година стигнале до САД по што се прошириле во 40 дрѓави, и им нанесуваат големи штети на посевите.

Се препрачува да не се убиваат во куќите зошто испуштаат непријатен мирис.