Свет
27. November 2015 - 10:31

„Хуриет“ : Руските воени авиони ги прекинале операциите во Сирија долж границата со Турција

По инцидентот со соборениот руски авион Су-24, пред три дена во Сирија, руските воено-воздухопловни сили ги прекинале операциите во оваа земја долж границата со Турција, информира весникот „Хуриет“.

Турција, пак, привремено ги запре бомбардирањата на позициите на Исламска држава во Сирија во рамки на меѓународната коалиција, предводена од САД.

Двете земји се решени да останат внимателни до смирување на ситуацијата и отворање на меѓусебните канали за дијалог, пишува уште турскиот весник.