Хрватска Влада: Пресудата на Трибуналот не ги одразува историските факти
Хрватската Влада издаде соопштение во кое му изрази сочуство на семејството на генералот Слободан Праљак, кој денеска изврши самоубиство судницата во Хашкиот трибунал, откако му беше изречена казна од 20 години затвор.
Владата наведе дека многу одредби од пресудата на Хашкиот трибунал, со која вкупно шест водачи на босанските Хрвати беа осудени на казни затвор од 20 до 25 години се политички неприфатливи и не ги одразуваат историските факти.
- Хрватска ги потпиша спогодбите од Вашингтон и Сплит (Туѓман - Изетбеговиќ), со што беше овозможено користење на територијата на Босна и Херцеговина во заедничка борба против вооружените формации на српските сили. Со тоа беше обновена хрватско-бошњачката воена соработка. Врз основа на овој договор хрватската војска ја запре српската опсада на Бихаќ и спречи повторување на геноцидот од Сребреница. Понатаму, во сојуз со армијата на Босна и Херцеговина, хрватската војска ослободи голем дел од територијата на БиХ, со што ја запре војната и ја сврте рамнотежата на силите и придонесе да се потпише договорот од Дејтон, соопшти хрватската Влада.
Со пресудата од Хаг, хрватските сили се осудени за прогон на бошњачко население од делови на БиХ со цел да се создаде етнички чиста хрватска територија. Владата најави дека ќе ги испита сите можни правни мерки за да ја оспори пресудата изречена денеска од страна на Трибуналот, и дека ќе продолжи да работи на развој на добрососедски односи со БиХ.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“