Хрватска очекува двојно поголеми финансиски средства од ЕУ
Хрватска од пакетот, кој се состои од Повеќегодишната финансиска рамка (ПФР) и планот за закрепнување од последиците на Ковид-19, очекува двојно поголем износ европски средства отколку што имала во изминатите седум години, изјави хрватскиот премиер Андреј Пленковиќ.
– За Хрватска е важно вкупниот износ, кој ќе и биде на располагање, да биде речиси двојно поголем отколку во првите седум години од нашето членство во Унијата, кога ќе се соберат и едната и другата кошница, ПФР и инструментот на ЕУ на следната генерација, истакна Пленковиќ.
Тој во Брисел се сретна со претседателот на Европскиот совет, Шарл Мишел и со претседателката на Европската комисија, Урсула фон дер Лајен, пред денешниот самит на врвот на лидерите на земјите членки, на кој ќе се направи обид за постигнување договор за ПФР и планот за закрепнување од последиците на новиот коронавирус.
Основата за расправа на самитот е предлогот на Шарл Мишел. Тој предложи Повеќегодишна финансиска рамка за периодот од 2021 до 2027 година во износ од 1.074 милијарди евра, што е 26 милијарди евра помалку од предлогот на Комисијата, но го задржа предлог планот за закрепнување во износ од 750 милијарди евра – 500 милијарди како неповратна помош и 250 милијарди како кредити.
Хрватскиот премиер нагласи дека земјите членки засега имаат различни ставови околу предложениот пакет.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри