Хрватска нов предизвик за Меси и „дружината“
Селија Кучитини, мајката на аргентинската фудбалска мега-ѕвезда Лионел Меси даде ретко интервју за аргентинската ТВ мрежа „Канал 13“ пред клучниот меч за „албиселесте“ против Хрватска во четврток.
„Неговиот сон е да го освои Светскот првенство, тоа е можеби неговата најголема желба, додека јас на тоа гледам со многу доверба и со опуштеност“, вели Кучитини.
Таа признава дека не е сеедно со сите критики кои ги добива Меси за својата игра, посебно по 1:1 ремито со Исланд, во кое Меси утна пенал.
„Сите страдаме од критиките како кога ќе речат дека не заслужува да го носи аргентинскиот дрес. А тој плаче за Аргентина. Знам дека нема да ме сфатат сериозно бидејќи сум негова мајка, но тој има огромно срце и би направил сè Аргентина да го освои првенството“, објаснува Кучитини.
И сопругата на Меси, Антонела Рокуцо јавно му даде поддршка на Меси по промашениот пенал против Исланд, постирајќи на Инстаграм: „Секогаш заедно, а сега уште повеќе“.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава